Is é AT Internet an uirlis anailísíochta gréasáin a roghnaigh sinn chun faireachán a dhéanamh ar ár suíomh gréasáin.

Táimid tar éis an uirlis seo chumrú chun go gcuirfear srian le bailiú shonraí pearsanta ár n-úsáideoirí a mhéid is féidir. Mar shampla, tá dí-shainaithint sheoladh IP curtha chun feidhme againn tríd an ochtréad deiridh (na trí dhigit dheireanacha) de sheoladh IP gach cuairteora (Prótacal Idirlín) a cheilt go huathoibríoch, rud a fhágann nach féidir aon chuairteoir faoi leith ó Pharlaimint na hEorpa a shainaithint trína sheoladh IP aonair.

Ní dhéanaimid ach na sonraí seo a leanas a rianú, agus é mar aidhm againn i gcónaí ár suíomhanna gréasáin a fheabhsú trí thuarascálacha staidrimh chomhiomlánaithe agus ainaithnide ar ghníomhaíochtaí cuairteoirí.

• Seoltaí IP (ainaithnide)
• Foinsí (cineálacha, feachtais, fearainn,…)
• Ábhar á bhreathnú (teideal an leathanaigh, socruithe leathanaigh eagarthóireachta, ród na leathanach, URL agus URL canónta, teanga,…)
• Geoshuíomh (tír, réigiún, baile)
• Próifílí teicniúla (gairis, OS, brabhsálaithe, méid scáileáin an úsáideora,…)
• Tréimhsí (dáta agus am na cuairte ar an suíomh, amchrios an úsáideora)
• Feachtais
• Cuardach suímh
• Teagmhais (cliceanna ar ár n-ábhair, ar chnaipí gníomhaíochta, ...)
• Comhaid ar cliceáladh orthu agus a íoslódáladh
• Fearainn (naisc chuig suíomh gréasáin seachtrach, suíomh gréasáin tagróra)

Chun glacadh lenár bhfianáin anailísíochta nó iad a dhiúltú, téigh chuig an leathanach Beartas Fianán.

Ar mhaithe le slándáil theicniúil, críocha feidhmíochta agus cúnamh d’úsáideoirí, déanaimid gníomhaíochtaí ár mbonneagar teicniúil agus ár bhfeidhmchlár a thaifeadadh.

Déanaimid bailiú aon sonraí pearsanta a theorannú oiread agus is féidir. Ní dhéanaimid ach na sonraí pearsanta seo a leanas a rianú ar ár mbonneagair, agus é mar aidhm shlándála agus faireacháin i gcónaí:

• Seoltaí IP
• Dáta agus am an naisc
• An chuid de shuíomh gréasáin Pharlaimint na hEorpa ar tugadh cuairt uirthi
• Córas oibriúcháin
• Nasc chuig ár bhfeidhmchláir
• Líon na sonraí a luchtaíodh
• Seoladh IP an tsuímh gréasáin
• An prótacal ar baineadh úsáid as (http; https; rtmp, etc.)

Taifeadtar na sonraí i gcomhaid loga laethúla a choinnímid idir tríocha lá agus sé mhí. Ansin, déantar cóipeanna cúltaca ar feadh tréimhse sé mhí go bliain amháin. Scriosfaimid na sonraí sin go huathoibríoch ag deireadh na tréimhse sainithe.

Cuirtear na sonraí go léir a bhailíonn ár bhfeidhmchláir in iúl dár nOifigeach Cosanta Sonraí (OCS) trí phróiseas tiomnaithe fógra atá stóráilte sa “Chlár um Chosaint Sonraí”.